أقلیــم الأهــواز کــان و لم یــزال مهــد الشعــر و الأدب العــربـي و لــه نصیــب الأســد مــن هــذا التــراث و مــا مـن بــاحـث یبحـث عـن رواد هـذا الفـن إلا علیـه أن یمــر بـاسمـاء لامعـة فـي سمـاء الأدب الأهـوازي مثـل (أبن السکیـت الـدورقـي و شیـخ هـاشم الکعبـي و مـلا مهـدي الشـویکـي و شیـخ سلمـان المحسنـي و عبـود الحجـي سلطـان الـزرقـانـي و مـله محمـد المـایود و ملـه فـاضـل السکـرانـي ) و شیـخ الشعـراء کمـا لقبّـه أهـل الـذوق الأدبـي الشیـخ إبـراهیـم الـدیراوي .

و فــي صبـاح هـذا الیـوم تلقینـا نبـأ رحیـل هـذا العلـم فـي سـاحـة الأدب و الطـود الـذي لـم تهـزه أو تهـزمـه محـاولات أعـدائـه أو أن یغمـد سیـف لسـانه ، بـل کـان حتّـی آخـر أیـام حیـاتـه یـدافـع بکـل قـواه عـن القضـایـا الأجتمـاعیـة و مـا یتعـرض لـه شعبـه مـن سیـاسـة التهمیـش و الأستبـداد فـي زمـن الحکـومـة البهلـویـة و بعـض المتطـرفیـن فـي کـل زمـن و تغنّـا لأمجـاد و بطـولات شعبـه کقصیـدتـه المشهـورة :خضیـر أبـومنصـور الـذي أستشهـد علـی یـد بعـض الجـلاوزة فـي مـدینـة المحمـرة البـاسلـة إذ یقـول فیهـا :
یخضیر تحنـّـت گاعنا بدمك یبو منصور

دمك دم نبي لو دم أمام الهسا بعده یفور

یخضیر یبومنصور

مر الگیض یخضیر و الف ضربة هوا مـرت

إجتنا تیبـّس دمومك ، تالي إبدمك حمرت

و اجا فصل إصفري و کل الشجر یخضیر صفرت

بس شجرة المن دمك تروّت زهت و اخضرّت

و غسالة یواخین الفلح بصریفتي ضرّت

سکتت ما گول یخضیـّر علیّ صریفتي خرّت

اخاف صریفتي من احچي تغدي سالوفه بین الدور

دمك دم نبي لو دم امام الهسا بعده یفور

یخضیر یبو منصور

و شال صفري چوالاته و اجا خلافه الشتا محزّم

إبحافات المطر و غیوم یخضّیر یگطرن سم

و بعدهی الگاع یخضیّر منها تفوح ریحة دم

و بعده صوابك یهوّس ما غمض ولا سلهم

بعده یدور صوابك یخضیّر علی المرهم

بعده یصیح ما أسمع دوي وعطاب ما أشتم

عرس لو موت یخضیر وریحة مسچ لو کافور

دمک دم نبي لو دم امام الهسّا بعده یفور

یخضیر یبو منصور

یخضیّر و حافات المطر ما غسلن دمومك

یخضّیرعلی الدیره و شجرها انطبعن إرسومك

نجم سهیل یخضّر کلـف ما ینحمل یومك

یرق و مرصّع إبفضه و ذهب ما نگدر انسومك

بعدك عدل یخضّیر ابد ما ماتن عزومك

یخضیر چنت حاصود کلفه وللسّلف ناطور

دمك دم نبي لو دم إمام الهسا بعده یفور

یخضّیر یبو منصور

یخضیر چنت عین الگلاده و مرتعش لمّاع

لمّن تسمع النخوه چنت اوّل نفــر فـــزاع

و انت الچنت یخضیّر إبمسحاتك تهبر الگاع

وحگ غیرة الهزتك یخضیّر وراك سباع

مانسکت عن اخذ الثار دمّك مایروح ضیاع

یا سالوفة الدیوان یا بیــرق شرف منشور

دمّك دم نبـي لو دم إمام الهسا بعده یفــور

یخضیّر یبو منصور

یخضیّـر علی الرشاش اسمك صار حبـّـایه

علی إزنادها حچایاتك یناغن الــرمّــایه

یخضیّـر چفوف الثــّار تومیلك محنـّایة

یبو منصور ما نسکت و دمّک طرّز الرّایه

و نهرنا الصافی یخضیّر بدمك منخبط مایه

حتّی النخل یخضیّر بعد ماینکسر فیــایه

یا منجل ذبح شیّال موزر و انحدر للهور

دمك دم نبي لو دم امام الهسه بعده یفـور

یخضیّر یبو منصور

یخضیّر و حگ عیناك ما تبچي علیك العین

ما ینبچي علی الیمشی بدرب الشرف درب حسین

شهید انت بذلت روحك یبو منصور لجل الدین

و کل گطره الجرت من دمك الطاهر تظل سنین

فشگه بگلب عدوانك و صرخه إتوعي الغافین

یبو منصور ماننساک صدگ و الحمیّـه إتثور

دمّك دم نبي لو دم إمام الهسه بعده یفور

یخضیر یبو منصور

رأیتـه عشـرات المـرات و عشقتـه منـذ الطفـولـة و رددنـا مـا نحفـظ مـن شعـره ، أعشـق صمتـه و تفکیـره عنـدمـا أحـاول أن أنشـده بعـض مـا حفظتـه مـن أشعـاره ، أعشـق تـوجیهـاتـه لـي عنـدمـا یشـاهـد بعـض الأخطـاء فـي القـرائـة و تشجیعـه للشبـاب دائمـاً ..
منـذُ صغـره کـان یعـانـي مـن ضعـف البصـر و لکـن هـذا لـم یکـن یـرده علـی تـواصلـه فـي کسـب العلـم و الأدب و الشعـر و الکتـابـة و تحصیـل العلـوم الفقهیـة و الـدروس الحـوزویـة و هـاجـر إلـی مـدینـة قـم المقـدسـة لیکمـل مشـواره العلمـي و طـور ذاتـه حتّـی صـارت قصـائـده أعـذوبـة المجـالـس و فـاکهـة المحـافـل الأدبیـة ، فعنـدمـا تسمـع لـه تحـس و کـأنـه قـد نسـج الأبیـات نسجـاً حتـی یصغـوهـا عقـداً لامعـاً یتمیـز بتطـریـزه الفـریـد .
حتـی فـي تغـزلـه یستخـدم المفـردات التـي کـادت أن تـّدرس و تنمحـي تحـت رمـال النسیـان فمثـلاً فـي قصیـدتـه مـر بیـه یطیـب سمـعاهـا للقـروي الأمـي و للطـالـب الجـامعـي:
( مـــر یفــلان )

عیني السمه و جفنـی الغیم و دمـــوعــــي المــــطر یفــــلان

و شفافي الشــــــته الگـــــیض ، گلــبي و عایش إبحرمـــان

مر یفلان . . .مر یفلان

مر یفلان سالوفة حبایب علی شفاف اللیل

یا مرود کحل إمسیر عله إعیون الفریج إبمیل

و شوف إمکارب إعیوني إویه دمعی إلي علی إخدودي إیسیل

مر یا عطش ، مر یا ماي ، مر یا عسل ، مر یا هیل

مر گلبي المحطه إهواي الک و ضلوعي سچة ریل

إوگف بالمحطة اشواي عـــود و مــن تـریـد إتشیل

صیح وفزز إجروحي و دوس إعله المفاصل حیل

یفي الما کسر فیک ، خایف إعله غیـــــــــری إتمیل

ولک یل عایش إبروحي ، تجي لو جیک إصیح إدخیل

وشیل العتب بعیوني و دمعي إیضل یوازي السیل

و إطش الچلم یم بابک ، بواچی إتشیل الجیران

مـــر لا تخلیني إحچــــایة إبوسط کــل دیــوان

مریفلان . . . مریفلان

و تـری عـزة النفـس و الإبـاءَ العـربیـة و الغیـرة الأهـوازیـة تجـري کـالـدم فـي شـریـان قصـائـده عنـد وصیتـه لأمـه و هـو ذاهـب إلـی میـدان الکفـاح :
يمه لا تبچين مو وكت البواچي

يمّه هاي الزلم عيب اتهاب

بس الچعبه لاچي

یمّه دمعچ لا یشوفونه الیکرهون

ونصیر احچایه لیهم

یمّه گـّوه اتجلـّدی جدامهم

وبگلب صابر جابلیهم

یمّه لو شافوچ مکسورة الواهس

یفرحون انا ادري بیهم

یمّه انا ادري ابمصیبتنه الچبیره

امن اکبر من مصیبتنه حچیهم

یمّه هم تدرین هذوله ویــّانه الیاسبب

شدّو عداوه؟!

ماتملگنالهم یمـّه

ولا هبـّطنه لیهم روسنه وادّینه خاوه

یمّه عیب العنده غیره اویه الـّذی

مسلوبه من عنده یتخاوه

یمّه کل گطره التهل من عینچ

ابگلب العدو تنشتل فرحه

یمّه و الظالم اشماراد یتحفّظ

الوکت متکفـّل ابفضحه

یمّه لیل الظلم ماهو اطویل لابد ینتجي

ویلوح صبحه

یمّه من یهلي عرفت العار والذل و الهضیمة

و ارفضتهن

واطلعت انشد وادور الفخر و العز و العزیمة

یمه یا ماسحگ جدمي الحافي شوك الوکت

واتدمـّه ابصریمه

یمّه مایرجع اشما لاگه ابطریجه الاح

یتطلـّب الشیمة

یمّه من اجدادنه أحنه اتعلـّمینه

اشلون نثبت بالشداید

عرب احنه و ذوله اهلنه

ولیهم التاریخ شاهد

والحمیّة المن ثدایاها رضعنه

اتدور من اتشوف واحد اجنبي یوخـّرنه

واعلینه یتجدّم و یتحکـّم

یمه لسّاعه بعدها الغیرة

ماعافت شرایین العرب

منخلطه بلدم

یمه ماینزل من الحنیور

طعم الذل

وحگ عیناچ علگم

یمّه ذوله احنه أفاعی

ومن یهیج الزعل بینه

انسوي کل الکون اظلم

نسلب امن عیون اعادینه لذیذ النوم

السمو نشرّبهم …

الکـلام عـن هـذا الطـود و الجبـل الأشـم و النجـم الامـع فـي سمـاء الأدب الأهـوازي لا یحتـویـه هـذا المقـال ، إنمـا یحتـاج إلـی کتـب لتتـرجـم حیـاتـه و مسیـرتـه الأدبیـة و لکـن نکتفـي بهـذا القـدر لنعبـر عـن حـزننـا لـرحیـل شیـخ الشعـراء فـي أقلیـم الأهـواز ، شیـخ إبـراهیـم الـدیـراوي .
بقلـــمـ:
احمـــ العتیقـي ـــد